სასულიერო გიმნაზია, ქალაქის N1, N2 და N3, აკეთის, ხაჯალიის, ნინოშვილის, შუხუთის და ახალსოფლის სკოლები. ტურნირის პირველ დღეს გაირკვა ნახევარფინალისტების ვინაობა, რომელიც იმავე დღეს გაიმართა. სასულიერო გიმნაზიამ პირველი საჯარო სკოლა დიდი ანგარიშით 8-1 დაამარცხა და პირველი ფინალისტიც გახდა. მეორე ნახევარფინალში N3 საჯარო სკოლის გუნდმა დაძაბულ ბრძოლაში მოუგო ხაჯალიის გუნდს ანგარიშით 4-2.
1 აპრილს კი გულშემატკივრით გადაჭედილ დარბაზში ორი მატჩი შედგა - ჯერ მესამე ადგილისათვის პირველი საჯარო სკოლის გუნდმა იოლად სძლია ხაჯალიას, ხოლო მეორე თამაში ფინალური იყო. ერთმანეთის წინაშე წარსდგნენ ტურნირის ფავორიტები სასულიერო გიმნაზია და N3 საჯარო სკოლა.
თავშიც აღვნიშნეთ და ახლაც გავიმეორებთ, რომ ეს იყო საფეხბურთო ზეიმი. თამაშის დამთავრების მერე ყველა, დიდი თუ პატარა, სპეციალისტი, თუ რიგითი გულშემატკივარი, ერი თუ ბერი ერთხმად აღიარებდა, რომ თამაში, თავისი საფინალო დაძაბულობით, ხარისხით, ემოციით, გატანილი გოლებით, მეკარეების და მინდვრის მოთამაშეების თავდადებული გარჯით, დრამით, სიხარულით თუ ცრემლებით, გულშემატკივართა ჩართულობით და ბოლოს დანიშნული პენალტების სერიით, მართლაც სანახაობრივი და მაგარი გამოვიდა. ძირითადმა დრომ გამარჯვებული ვერ გამოავლინა. ნიკა კვაჭაძის (სასულიერო გიმნაზია) დუბლს მე-3 საჯარო სკოლამ საბა ცანავას და საბა ჩხაიძის გოლებით უპასუხა. ფინალის კულმინაცია კი საფეხბურთო ლატარიამ, თერთმეტმეტრიანების სერიამ დაასრულა, რომელშიც მესამესკოლელებმა იმარჯვეს და დამსახურებულად მოიპოვეს „გიმნაზიის თასის" პირველი ოქროს მედლები. მეორე ადგილი სასულიერო გიმნაზიამ, ხოლო მესამე პირველმა სკოლამ გადაინაწილეს.