ბურთი... სტადიონი...
ჩხაიძემ ბურთი გადააწოდა ასკურავას. ასკურავამ - წულაძეს. წულაძემ - ვანაძეს. ვანაძემ - გოგოლაძეს. იმან კიდევ გოგუაძეს. გოგუაძემ თავისი შესანიშნავი ფინტებით მოატყუა ერთი, მოატყუა ორი, მოატყუა სამი. დარტყმა და ... თავდიშვილი კარში ტყუილად კი არ დგას!
ამის მერე, ყველაფერი თავიდან იწყება. გულშემატკივრებით სავსე დარბაზში ისმის ყიჟინა გამაყრუებელი, ოვაციაც ისმის და გატანილი, თუ ვერგატანილი გოლის შემდეგ აპლოდისმენტები, რომლებიც ხან გამტანს ეკუთვნის და ხან გოლკიპერს!
2024 წლის 3 მარტს მართლმადიდებლური სკოლაში, საღამო ხანს საოცარი ფუსფუსი იყო.პირველი კლასის მოსწავლეებმა,მამებმა და მასწავლებელმა დედებს დედის დღე მიულოცეს. ლექსებით, სიმღერებით, მათი პატარა ხელებით და სიყვარულით სავსე გულებით დამზადებული ბარათებით გაახარეს დედები.
იყო ემოციები დედების მხრიდან.დიდი სითბო და სიყვარული იყო მთელი საღამოს თანმდევი.ზეიმის ბოლოს მამებმა მეუღლეებს ვარდებით მიულოცეს ეს შესანისნავი დღესასწაული.
სპორტული კარატეს ფედერაციის ეგიდით გორის სპორტის სასახლეში საქართველოს ჩემპიონატი ჩატარდა. ტურნირზე ჩვენი ქვეყნის ყველა რეგიონიდან 400-ზე მეტი მონაწილე გამოვიდა. შეჯიბრებები როგორც გოგონებში, ასევე ვაჟებში გაიმართა.
მართლმადიდებლური სკოლის მე-7 კლასის მოსწავლემ ქეთი ზენაიშვილმა პირველობა არავის დაუთმო და 12-13 წლიან გოგონებს შორის გახდა საქართველოს ჩემპიონი კარატე-კუმიტეში.
ვულოცავთ ქეთის ამ დიდ წარმატებას!
ჩემპიონო, წინ ევრიოპა და მსოფლიო გელოდება!
დასრულდა ზამთრის შიდა საკლასო ჩემპიონატი ინტელექტუალურ თამაშში ,,რა? სად? როდის?" პირველად მეშვიდე კლასის გუნდები: ,,ტვინიკოსები" ,,ზომბები" და ,,ინტელექტის დევები" შეხვდნენ ერთმანეთს.
გუნდებს თავად ჰქონდათ მომზადებული შეკითხვები მოწინაღმდეგეებისთვის, რომელსაც წამყვანი, ლევან გიორგაძე კითხულობდა.
