27 თებერვალს ლანჩხუთის წმინდა იოანე ნათლისმცემლის სახელობის მართლმადიდებლურ სკოლას ეწვია თეოლოგი აკაკი მინდიაშვილი. სტუმარმა სკოლის სააქტო დარბაზში შეკრებილ მოსწავლეებსა და მასწავლებლებს სალექციო თემა „საქართველო ღვთისმშობლის წილხვდომილი" წაუკითხა. შეხვედრას ესწრებოდნენ ლანჩხუთის ტაძრების მოძღვრები.
ბავშვთა რესპუბლიკურ ფესტივალში ,,ზამთრის რითმები" აქტიური და წარმატებული მონაწილეობისთვის ანსამბლ ,, ივერთა" ს და ქორეოგრაფ არჩილ კალანდაძეს ვულოცავთ ფესტივალის პრიზს და დიპლომებს.
არაერთხელ გისახელებიათ ჩვენი სასწავლებელი და მომავალშიც წარმატებებს გისურვებთ!
დღეს მეცხრეკლასელი ინტელექტუალები შეეჯიბრნენ ერთმანეთს. წამყვანის საკმაოდ რთულ შეკითხვებს მოსწავლეებმა კარგად გაართვეს თავი. თამაშის წარმათვაში ტრადიციულად მეთერთმეტე კლასი დაეხმარა უფროსებს. ბავშვებმა რთული რაუნდის თუ კაპიტნების თამაშისას ბევრი თემის ცოდნა გამოავლინეს, თუმცა ყველა თამაშს ყავს მოგებული და წაგებული. აქაც მცირე უპირატესობით გუნდმა ,, ლანჩხუთელი ფილოსოფოსები " მოიპოვა პირველობა. მეტოქე გუნდმა ,, OWLS" კი ღირსეულლად აღიარა მეგობრების წარმატება
დღეს მართლმადიდებლურ სკოლას მისი კურსდამთავრებული, თბილისის ივ. ჯავახიშვილის სახელობის სახელმწიფო უნივერსიტეტის სტუდენტი გვანცა ლომაძე ესტუმრა.
სტუმრობის მიზანი მშობლიური სკოლის მოსწავლეებისთვის პროექტის „თსუ დესპანი" ფარგლებში უნივერსიტეტის საგანმანათლებლო პროგრამებისა და სტუდენტური ცხოვრების გაცნობა გახლდათ.
2 თებერვალი ჭარბტენიანი ტერიტორიების დაცვის საერთაშორისო დღეა. სწორედ, ამ თარიღს მიეძღვნა სასულიერო გიმნაზიის საბაზო და საშუალო საფეხურის მოსწავლეების მიერ მომზადებული პრეზენტაცია.
