23 მაისს გიმნაზიის მე-11 კლასის გოგო-ბიჭებს ქუთაისის ცენტრალურ არქივში გაკვეთილი ჩაუტარდათ. ისტორიის მასწავლებელი ლევან გიორგაძე არქივს, თავის მოსწავლეებთან ერთად წლებია სტუმრობს, სადაც მათ საინტერესო საარქოვო მასალებთან შეხება და მათზე მუშაობა უწევთ. კამერალური აღწერები, გურიის ეკლესიების აღსარების წიგნები, ექვთიმე თაყაიშვილისა და აკაკი შანიძის, ქუთაისის კლასიკურ გიმნაზიაში სწავლების დროინდელი, პირადი საქმეები, იმერეთის მეფის სოლომონ II სიგელ-გურჯები - ეს ის მასალებია, რომლებსაც ბავშვები დიდი ინტერესით გაეცნენ და დაამუშავეს.
